БАРУУН БҮСИЙН ОНОШЛОГОО ЭМЧИЛГЭЭНИЙ ТӨВИЙН MRI АППАРАТЫГ БҮРЭН ШИЙДВЭРЛЭНЭ

Эрүүл мэндийн сайд Т.Мөнхсайхан өнөөдөр /2025 оны 01 сарын 07/ холбогдох албаны хүмүүстэй Ховд аймагт ажиллахдаа:

-Баруун бүсийн оношлогоо, эмчилгээний төвийн MRI аппартыг шийдвэрлэнэ. Ингэхдээ Эрүүл мэндийн яам, сайдын багцаас , орон нутгийн төсвөөс тус тус хоёр тэрбумыг гаргаж энэ оны хоёрдугаар улиралд багтаан суурилуулах -Ховд аймгийн эмч, мэргэжилтнүүдийг гадаадад сургах багт хамруулах -Ховд аймгийн 9 сумыг бүрэн тоноглогдсон, туулах чадвар сайтай түргэн тусламжийн машинаар хангасан. Үлдсэн сумдыг энэ ондоо багтаан шийдвэрлэх - Зайн оношилгооны төвөөр дамжуулан Улаанбаатарын эмнэлгүүдийн хэмжээний оношилгоог Ховд аймагт хийх зэрэг асуудлуудыг шийдвэрлэхээр болов. 

Мөн бүсчилсэн хөгжилтэй уялдуулан орон нутгийн эмнэлгийн тусламж үйлчилгээг сайжруулах ЭМЯ-аас хэрэгжүүлж байгаа “Төвлөрлийг сааруулах” бодлого, “Хавдрын нэгдсэн бодлого” “Монголд эмчлэгддэггүй өвчлөлийг бууруулах” бодлого, “Эмийн чанар хүртээмж”-ийг сайжруулах нэгдсэн бодлого, “Эрт илрүүлгийн тогтолцоог сайжруулах” бодлого зэрэг бодлогын ажлуудаа танилцууллаа. 

Ховд аймаг нь 93 мянган хүн амтай.  Сүүлийн жилүүдэд нялхсын эндэгдэл буурсан, эрт илрүүлгийн хамрагдалт 80.8 хувьтай байгаа, хүн амын дундах өвчлөлийг ундны усны чанараас хамаарсан шүдний өвчлөлтэй, хавдрын өвчлөл тэргүүлэх шалтгаан болж, сумдуудад хүний нөөц дутмаг байгаа талаар  Баруун бүсийн оношлогоо, эмчилгээний төвийн эмч, мэргэжилтнүүд салбарын сайддаа уламжилсан байна.