СҮҮЛИЙН ТАВАН ЖИЛД ӨДӨРТ ДУНДЖААР ХОЁР ХҮН ОСГОЖ, ХӨЛДӨЖ НАС БАРЖ БАЙНА

Гэмтэл согог судлалын үндэсний төв, Улсын онцгой комиссын Шуурхай штабаас хамтран аймаг, сум, нийслэлийн эрүүл мэндийн байгууллагын эмч, эмнэлгийн мэргэжилтнүүдэд  ”Осголт, хөлдөлтөөс урьдчилан сэргийлэлт, анхны тусламж, эмчилгээ” сэдэвт сургалтыг зохион байгуулжээ.

Осголт, хөлдөлтөөс урьдчилан сэргийлэх, анхны тусламж, эрт үеийн эмийн эмчилгээг сайжруулах, эндэгдлийг бууруулах, эмч, эмнэлгийн мэргэжилтнүүдийн мэдлэг чадварыг дээшлүүлэх зорилготой тус сургалтад нийт 500 хүн хамрагдсан байна.

Улсын хэмжээнд сүүлийн таван жилийн байдлаар гэмтэл, хордлого, гадны шалтгаант нас баралт 15 034 тохиолдол бүртгэгдсэн бөгөөд үүний 7.4 хувийг байгалийн хүчинд өртөх буюу осгох, хөлдөхтэй холбоотой шалтгаант нас баралт эзэлж байна. Нийт тохиолдлын 75.1 хувь нь эрэгтэй, 24.8 хувь нь эмэгтэйчүүд байгаа юм.

Байгалийн хүчинд өртөх шалтгаант нас баралтын тэргүүлэх таван шалтгаан:

• Байгалийн хэт хүйтэнд өртөх (ХЗ1) -18.4 хувь 
• Үерт өртөх (ХЗ8) -0.7 хувь
• Аянганд ниргүүлэх (ХЗЗ) -0.4 хувь
• Шуурганд өртөх (ХЗ7) -0.4 хувь
• Цас нурах, газар цөмрөх, хөрс шороо нурахад өртөх (ХЗ6) -0,2 хувь байгаа юм.

Сүүлийн таван жилийн дунджаар өдөрт 2 хүн байгалийн хэт хүйтэнд өртөх буюу ocrox, хөлдөх шалтгааны улмаас амь эрсдэж байгаа төдийгүй жилийн бүх улиралд дээрх шалтгаан тэргүүлж байна.