Монгол орны өнцөг булан бүрд, ялангуяа алслагдсан сумдад эрүүл мэндийн тусламж үйлчилгээний чанар, хүртээмжийг сайжруулах зорилгоор БНСУ-д үйлдвэрлэсэн, хиймэл оюун ухаанд суурилсан, PACS системд холбогдох боломжтой зөөврийн рентген аппаратыг зарим сум, дүүргийн Эрүүл мэндийн төвүүдэд гардуулан өгчээ.
Дэлхийн банкны санхүүжилттэй Монгол Улсад КОВИД-19 халдвараас урьдчилан сэргийлэх, хариу арга хэмжээ авах, бэлэн байдлыг хангах төслийн хүрээнд дээрх аппаратуудыг өгсөн бөгөөд тус арга хэмжээнд Эрүүл мэндийн сайд Т.Мөнхсайхан, Дэлхийн Банкны Эрүүл мэндийн ахлах мэргэжилтэн Др. Кэйт Мандевилл, Дэлхийн Банкны Эдийн засагч, төслийн багийн ахлагч Фанг Ян тэргүүтэй хүмүүс оролцсон байна.
Анхан шатны эрүүл мэндийн төвд тохиолдох хугарал, гэмтлийн асуудал, сүрьеэгийн хяналт гэх мэт оношилгоо, эмчилгээ, хяналтын гол багаж болсон рентген аппаратыг дараах Эрүүл мэндийн төвүүдэд хуваарилжээ.
Зөөврийн рентген аппарат хуваарилсан эрүүл мэндийн байгууллагын жагсаалт
|
| Аймаг | Сум |
| |
| 1 | Архангай | Чулуут |
| |
| 2 | Баянхонгор | Баацагаан |
| |
| 3 | Баянхонгор | Жаргалант | ||
| 4 | Говь-Алтай | Бигэр | ||
| 5 | Говь-Алтай | Жаргалан | ||
| 6 | Говьсүмбэр | Аймгийн нэгдсэн эмнэлэг | ||
| 7 | Дорноговь | Замын-Үүд | ||
| 8 | Сүхбаатар | Түмэнцогт | ||
| 9 | Төв | Борнуур | ||
| 10 | Хэнтий | Баян-Адарга | ||
| 11 | Хэнтий | Хэрлэнбаян Улаантосгон | ||
| 12 | Улаанбаатар | Баянзүрх | ||
| 13 | Улаанбаатар | Сонгинохайрхан | ||
| 14 | Улаанбаатар | Сүхбаатар | ||
| 15 | Улаанбаатар | СЭМҮТ |
Сэтгэгдэл (0)
Сэтгэгдэл бичигдээгүй байна