Гэмтэл согог судлалын үндэсний төв, Бүгд Найрамдах Социалист Вьетнам улсын Ханой хотын Анагаах ухааны их сургуультай хамтын ажиллагааны гэрээ байгуулах ёслол өнөөдөр /2024 оны 11 сарын 29/ боллоо. Тус арга хэмжээнд Гэмтэл согог судлалын үндэсний төвийн захирал Э.Галбадрах, Бүгд Найрамдах Социалист Вьетнам улсын Ханой хотын Анагаах ухааны их сургуулийн захирал, дэд профессор, доктор Нгуен Лан Хиеу, Монгол Улсаас Бүгд Найрамдах Социалист Вьетнам улсад суугаа Онц бөгөөд Бүрэн эрхт Элчин сайд Ж.Сэрээжав болон холбогдох албаны төлөөллүүд оролцож хамтын ажиллагааны гэрээ байгуулж, санамж бичигт гарын үсэг зурлаа. Хамтын ажиллагааны хүрээнд Гэмтэл согог судлалын үндэсний төв, Ханой хотын Анагаах ухааны их сургуулийн эмнэлэг хооронд эмнэлзүйн технологи, эрдэм шинжилгээний сургалт, судалгаа хийх, урт болон богино хугацааны сургалтад эмч мэргэжилтнүүдийг хамруулах, хамтарсан үзлэг оношилгоо, мэс засал эмчилгээ хийх зэрэг олон талт ажлуудыг зохион байгуулахаар төлөвлөжээ.
Үйл ажиллагааны хүрээнд эхний ээлжинд ирэх 2025 онд ГССҮТ-ийн арван эмч, мэргэжилтнийг Вьетнам Улсад сургах, мөн тус төвийн Дүрс оношилгооны тасгийн цахим программыг шинэчлэх ажлыг эхлүүлэхээр болсон байна.
Сэтгэгдэл (0)
Сэтгэгдэл бичигдээгүй байна