Гэмтэл согог судлалын үндэсний төвийн салбар эмнэлэгт суурилуулсан барокамер буюу өндөр даралтат хүчилтөрөгчийн эмчилгээг тусламж үйлчилгээнд нэвтрүүлэх үүднээс Тайванийн “Tri-Service” эмнэлгийн эмч, сувилагч нартай хамтран сургалтыг зохион байгуулж байна.
Барокамер буюу өндөр даралтат хүчилтөрөгчийн эмчилгээ нь эсийн анхдагч түвшинд эд эсийн хөгшрөлтийг удаашруулж, сэргэлтийг түргэсгэх боломжтой дэвшилтэт технологи бөгөөд эд эсийн түвшинд гэмтлийн гаралтай архаг явцтай том хэмжээний шарх, түлэгдлийн шарх, халдварлагдсан шарх, ясны идээт үрэвсэл, тархины хүнд гэмтэл болон бусад олон өвчлөлийн үед эдгэрэлтийн явцыг түргэсгэх өндөр ач холбогдолтой эмчилгээний нэгэн арга юм.
Сургалтаар уг төхөөрөмжийг хэрхэн ашиглах, эмч, мэргэжилтнийг сургаж чадавхжуулах, эмчилгээний явц болон үр дүнд хяналт хийх, аюулгүй ажиллагааг бүрдүүлэх, үйлчлүүлэгчдэд үзүүлэх тусламж үйлчилгээний заавар, журмын талаар сургалтын хөтөлбөр гарган ажиллаж эхэллээ.
Тус эмчилгээг цаашид хэрхэн зөв зохион байгуулах, тусламж үйлчилгээнд хэрэгцээтэй бусад зүйлсийн талаар ГССҮТ-ийн удирдлагууд Тайваний эмч, сувилагч нартай ярилцсан байна.
Сэтгэгдэл (0)
Сэтгэгдэл бичигдээгүй байна