“Парис-2024” Паралимпын наадмын пауэрлифтингийн төрлийн 107 кг-ын жинд Паралимпын наадмын аварга, дэлхийн аварга, Монгол Улсын хөдөлмөрийн баатар, Гавьяат тамирчин Э.Содномпилжээ мөнгөн медаль хүртлээ.
Э.Содномпилжээ эхний оролтоор 243 кг, хоёр дахь оролтоор 248 өргөж, гурав дахь буюу сүүлийн оролтоор 260 кг захиалсан ч амжилтгүй болсон юм.
Тэмцээний дараа өгсөн рилцлагадаа Э.Содномпилжээ баруун мөр нь гэмтэлтэй байснаас сүүлийн 260 кг-ийг өргөж чадаагүй гэжээ.
Хөдөлмөрийн баатар Э.Содномпилжээ нь "Рио 2016" Паралимпын наадмаас хүрэл, "Токио 2020" Паралимпын наадмаас алтан медаль хүртсэн. Ингэснээр Э.Содномпилжээ Паралимпын алт, мөнгө, хүрэл медаль хүртэж, түүх бүтээлээ.
Э.Содномпилжээ "Токио-2020" олимпын наадмаар 245 кг өргөсөн нь өчигдрийг /2024.09.09/ хүртэл Паралимпын дээд амжилт байсан юм. Хэдийгээр манай тамирчин Парисын олимпод дээрх амжилтаа ахиулсан ч Ираны тамирчин Алиакбар Гарибшахи 252 кг өргөснөөр түрүүлж, мөн паралимпын дээд амжилтыг шинэчиллээ.
Алиакбар Гарибшахи нь 254 кг өргөсөн үзүүлэлтээр дэлхийн дээд амжилтыг эзэмшдэг тамирчин юм.
Сэтгэгдэл (0)
Сэтгэгдэл бичигдээгүй байна