Парисын зуны олимпын наадам эхлэхэд хоёрхон хоног үлдлээ. Манай баг тамирчдын хувьд эхний өдрөөс өгсүүлээд медалийн их горьдлоготой тамирчид маань уралдаан тэмцээндээ ороод эхэлнэ.
Спортын салбартаа нэр хүнд бүхий хэвлэл Sports Illustrated олимпын спортын төрөл бүрээс медаль хүртэх магадлалтай тамирчдын жагсаалтыг гаргадаг.
Тэгвэл энэ удаад Монголын баг тамирчдаас нэг мөнгө, гурван хүрэл медаль хүртэнэ гэсэн таамаглал дэвшүүлсэн байна. Мөнгөн медалийг чөлөөт бөхийн эмэгтэйчүүдийн 50 кг-ын жинд Долгоржавын Отгонжаргал хүртэнэ гэж тэмдэглэсэн байна.
Тэдний таамаглалаар бол Д.Отгонжаргал алтан медалийн төлөө Олимпын аварга, Дэлхийн дөрвөн удаагийн аварга Юүи Сүсакитай алтан медалийн барилдах ажээ.
Д.Отгонжаргалын хувьд сүүлийн гурван жил дараалан Дэлхийн Аварга Шалгаруулах Тэмцээнээс медаль хүртсэн. Сүүлийн хоёр жил мөнгөн медаль авахдаа Юүи Сүсакид ялагдсан. Гэвч Парисын дэвжээнээ гол өрсөлдөгчөө ялж, аварга болохыг ерөөе!
Сэтгэгдэл (0)
Сэтгэгдэл бичигдээгүй байна