Кенийн 39 настай алдарт марафонч Элиуд Кипчоге дахиад олимпын наадмын замд гарахгүй гэдгээ мэдэгдлээ. Олимпын хошой аварга тамирчин Парисын марафоны замд гарсан ч 31 дэх километр дээр замаасаа гарсан юм.
“Миний хувьд хамгийн хэцүү мөч, хамгийн муу марафон энэ боллоо. Би өмнө нь хэзээ ч замын дундаас гарч байгаагүй. Өнөөдөр би нокдаунд орсон боксчин шиг л байлаа. Өмнө нь марафонд түрүүлж, наймд орж, 10-д жагсаж, 5-д бичигдэж байсан. Харин энэ удаад бүр барианд орж чадсангүй. Амьдрал ийм л юм.
2028 оны Лос-Анжелесийн наадамд та нар намайг тамирчнаар биш харин бусад тамирчдад урам зориг өгч, удирдаж буйгаар харж мэдэх юм.
Цаашид юу болохыг одоогоор хэлж мэдэхгүй байна. Эхлээд юу ч гэсэн гэртээ хариад, 21 жилийн турш хамгийн дээд түвшинд гүйж уралдсан замналаа дурсаж, бодох ёстой байх. Цаашид өөрийгөө улам хөгжүүлж, өөр зүйлд сорих ёстой гэж бодож байна” хэмээн Кипчоге өгүүлжээ.
Сэтгэгдэл (0)
Сэтгэгдэл бичигдээгүй байна