Парисын зуны олимпын наадмын тулгууртай харайлтын төрөлд хүрэл медаль хүртсэн Канадын 30 настай Алиша Ньюман тверк бүжиглэж, олны анхаарлыг татаад амжлаа. Эхнээсээ ч анхаарал татаж, улмаар түүгээрээ мөнгө олох тооцоотой байсан бололтой.
Сүүлийн үед эмэгтэйчүүдийн тверк буюу өгзөгний бүжиг хийж буй бичлэг, зургууд сошиалаар цацагдаж, олны анхаарлыг татаад байгаа. Алиша Ньюман ч яг үүнийг тооцож, хүрэл медалийн болзол хангасныхаа дараа стадион түмний нүдний өмнө тверк бүжиглэжээ.
Тэрбээр OnlyFans платформд хаягаа хөгжүүлж, зураг байршуулж бага хэмжээний орлого олдог юм байна. Тиймээс ч зориудаар тверк бүжиглэж, өөрийн хаяг руугаа олны анхаарлыг татах гэлээ гэж зарим тамирчин бүсгүйчүүд түүнийг буруутгаж эхэлжээ.
Үүнээс өмнө Их Британийн усанд үсрэгч Жек Лохер OnlyFans-д зурагаа зарж, мөнгө олдог тухайгаа ярьсан удаатай юм. Ихэвчлэн хагас нүцгэн зургуудаа оруулж, хэрэглэгчид түүнийг нь тодорхой үнээр худалдаж авдаг ажээ. Гэхдээ OnlyFans нь 18-аас дээш насныханд зориулагдсан, насанд хүрээгүй хүүхдүүд орох эрхгүй тул Спортын холбоод онцгойлон хориглодоггүй гэнэ.
Сэтгэгдэл (0)
Сэтгэгдэл бичигдээгүй байна