Парисын зуны олимпын наадмын сонгомол бөхийн 130 кг-ын жинд Кубын 41 настай Михайн Лопес түрүүлснээр нэгэн гайхамшигтай амжилтын эзэн боллоо.
Тэрбээр олимпын таван алтан медальтай анхны бөх болж, түүхэнд бичигдлээ. Парисын олимпын финалын барилдаанд Чилийн Ясмани Акостаг ялж, энэ гайхамшигт амжилтыг тогтоосныхоо дараагаар Лопес борцовкоо тайлж, дэвжээний голд тавьснаар зодог тайлж буйгаа зарлалаа. “Бөх бол миний бүх насны хайр” хэмээн домогт бөх мэдэгдсэн байна.
Японы бөх Каори Ичо 2004, 2008, 2012, 2016 оны Олимпын наадамд түрүүлсэн амжилтаараа Михайн Лопестой ижил дөрвөн түрүүтэй байсан бол өчигдөр Лопес тав дахь түрүүгээ хүртэж, ганцаараа цойллоо. Тэрбээр 2008, 2012, 2016, 2020, 2024 оны Олимпын наадамд түрүүллээ.
Сэтгэгдэл (0)
Сэтгэгдэл бичигдээгүй байна