Аргентины шигшээ болон Испанийн “Атлетико Мадрид”-ын тоглогч Родриго де Пауль хөлбөмбөгчийн амьдрал эд материалын хувьд элбэг дэлбэг ч гэлээ эрхэм хүмүүстээ зарцуулах цаг, уулзах хором хомс байдаг талаар болон өсвөр, залуу насаа мэргэжлийн тамирчны дэглэмийн дагуу өнгөрүүлэх ёстой болдгийг өгүүлсэн байна.
“Хөлбөмбөгчид алтан торонд амьдардаг. Яагаад тэгж хэлэв гэвэл тэдэнд байж болох бүхий л материаллаг зүйлс байдаг. Гэвч түүнийгээ дураараа хэрэглэж чаддаггүй. Хүссэнээрээ амьдрах боломж олддоггүй.
Хүний амьдралын хамгийн үнэ цэнэтэй зүйл цаг хугацаа юм билээ. Миний хувьд л гэхэд хамгийн сүүлд ээжтэйгээ, ах нартайгаа, найз нөхөдтэйгээ хамт төрсөн өдрөө тэмлэглэснээс хойш 10 жил өнгөрчээ.
20 хүрч буй залуус хөгжилтэй, чөлөөтэй амьдардаг. Харин мэргэжлийн хөлбөмбөгч болох замыг сонгосон надад тийм боломж байгаагүй. Би тэр насаа алгасчихсан мэт өнгөрүүлсэн. Харин одоо алдсанаа нөхөж, гэр бүл, үр хүүхэд, найз нөхөдтэйгээ цаг хугацааг хөгжилтэй өнгөрүүлэхийг хүсч байна” хэмээн өгүүлжээ.
Сэтгэгдэл (0)
Сэтгэгдэл бичигдээгүй байна