Орон сууцны үнийн индекс 2026 оны наймдугаар сард 1.45 болж, өмнөх оны мөн үеэс 7.2 хувиар, өмнөх сараас 2.5 хувиар өсжээ.
Шинэ орон сууцны үнэ өмнөх оны мөн үетэй харьцуулахад 5.1 хувиар, хуучин орон сууцны үнэ 8.1 хувиар тус тус өссөн байна.
2026 оны наймдугаар сард шинэ орон сууцны 1 метр квадрат талбайн дундаж үнэ 4.77 сая төгрөг болж, Сүхбаатар дүүрэгт хамгийн өндөр буюу 5.51 сая төгрөгийн үнэтэй байна.
Шинэ орон сууцны дундаж үнэ өмнөх оны мөн үетэй харьцуулахад Сонгинохайрхан дүүрэгт 7.5 хувь (250.9 мянган төгрөг)-иар өсөж, Чингэлтэй дүүрэгт 11.5 хувь (526.4 мянган төгрөг)-аар буурсан байна. Харин хуучин орон сууцны 1 метр квадрат талбайн дундаж үнэ 4.78 сая төгрөг болж, Сүхбаатар дүүрэгт хамгийн өндөр буюу 5.82 сая төгрөгийн үнэтэй байгаа юм. Хуучин орон сууцны дундаж үнэ өмнөх оны мөн үетэй харьцуулахад Баянзүрх дүүрэгт 11.6 хувь (475.4 мянган төгрөг)-аар өссөн байна.
Орон сууцны 1м.кв талбайн дундаж үнийг байршлаар нь харвал, Сүхбаатар дүүрэгт Сүхбаатарын талбай, 220 мянгат орчим 7.89 сая төгрөг байгаа нь хамгийн өндөр, Сонгинохайрхан дүүрэгт 21-р хороолол орчим 3.30 сая төгрөг байгаа нь хамгийн хямд байна.
Туршилт тооцоогоор 2026 оны наймдугаар сард 1 өрөө орон сууцны 1 сарын түрээсийн дундаж үнэ 1.40 сая төгрөг, 2 өрөө орон сууцны түрээсийн дундаж үнэ 1.93 сая төгрөг, 3 өрөө орон сууцны түрээсийн дундаж үнэ 3.03 сая төгрөг байна. Орон сууцны 1 сарын түрээсийн дундаж үнийг байршлаар нь харвал, 1-3 өрөө байр Сүхбаатар дүүрэгт 1.72-3.73 сая төгрөг байгаа нь хамгийн өндөр, Сонгинохайрхан дүүрэгт 1.06-1.72 сая
төгрөг байгаа нь хамгийн хямд байна.
Сэтгэгдэл (0)
Сэтгэгдэл бичигдээгүй байна