Английн “Челси” хагас хамгаалагч Конор Галлахерийг нэгдүгээр багаасаа бүрэн тусгаарлажээ.
Энэ долоо хоногийн эхээр Галлахерт гурван жилийн гэрээ санал болгосон ч гарын үсэг зурахаас татгалзсан учир хариу тулгалтыг цаг алдалгүй хийсэн нь энэ юм.
Галлахерийн Лондоны клубтэй байгуулсан гэрээ дуусгавар болоход ганцхан жилийн хугацаа үлдсэн. Хэрвээ гэрээгээ сунгахгүй ирэх зун хаа хүссэн клуб рүүгээ үнэгүй явах боломж нь нээгдэнэ. Мэдээж, “Челси”-гийн хувьд тэгж дураар нь үнэгүй явуулахгүй, аль болох үнэтэй зарж ашиг олохыг хичээж эхэлжээ.
Иймээс ч “Челси” яаралт шийдвэр гаргаж, Испанийн “Атлетико Мадрид”-ын санал болгосон 34 сая еврог хүлээж авахыг зөв гэж үзсэн байна. Гэвч хөлбөмбөгч өөрөө бас энэ наймааг хүлээн зөвшөөрөх ёстой. Хүлээн зөвшөөрүүлэхийн тулд ч тулгалт хийж, нэгдүгээр багаас бүрэн тусгаарлаж, ирэх даваа гариг гэхэд “Атлетико Мадрид”-д очих эсэхээ эцэслэн шийдэхийг даалгажээ.
Премьер лигийн “Астон Вилла” зэрэг клуб сонирхож байгаа ч өрсөлдөгчдөө зарахыг хүсэхгүй байгаа учир Испанийн клуб руу явуулах нь зөв гэж тооцож байгаа юм байна. Хэрвээ очихгүй гэвэл гэрээгээ сунгах хэрэгтэй гэж мөн давхар тулгалт хийсэн гэнэ. Ийнхүү өнгөрсөн улиралд “Челси”-гийн ахлагчийн туузтай олон тоглолтод гарсан Конор Галлахер тулгалтад орж, ойрын хэдэн цагт сонголтоо хийх ёстой болоод байна.
Сэтгэгдэл (0)
Сэтгэгдэл бичигдээгүй байна