Юсүф Дикеч хэмээх 51 настай, саарал толгойтой эр нэг гараа кармандаа хийж, нөгөө гараараа буу атгаж байгаад Олимпын мөнгөн медаль хүртэхийг Дэлхийн нийтээрээ харлаа, шагшлаа.
Шагшихын учир нь буудлагынхан байгаа улам тодосгохын тулд нэг нүдээ тусгай төхөөрөмжөөр хаадаг. Тусгай линз бас хэрэглэнэ. Мөн анхаарлаа төвлөрүүлэхийн тулд чимээ шуугианаас хамгаалж чихэвч зүүдэг.
За тэгээд Өмнөд Солонгосын харгиа буудагч бүсгүй Кимийн байдлаар бол чихмэл зүүх нь ч байна. Харин Дикечид эдгээрээс юу ч хэрэг болсонгүй. Зүгээр л нэг гараа халаасандаа хийгээд, нөгөөгөөрөө буудчихав.
Дикечийн энэ билэг танхай байдал сошиал хэрэглэгчдэд их таалагджээ. Шоглож мем хийх нь ч их байна. “Тэтгэвэртээ гарсан хөлсний алуурчныг бид харлаа” хэмээн нэгэн интернэт хэрэглэгч бичсэн бол өөр нэгэн “Баарнаас гэнэт гарч ирээд буудчихаж байгаа юм биш үү” гэжээ.
Мем дээр бол гар утасны дэлгэцний зураг болтлоо алдаршаад амжив. Амандаа тамхи ч зуучихсан зургууд тархлаа.
Парис бол Юсүф Декичийн тав дахь олимп. Үүнээс өмнө 2008, 2012, 2016 болон Токиогийн олимпод оролцжээ. Дэлхийн аваргаас хэд хэдэн медальтай.
“Надад нэмэлт тусгай төхөрөмжийн хэрэг байхгүй ээ. Би чинь төрөлхийн мэргэн бууч байхгүй юу. Уг нь гар халаасанд байхад амжилт ирдэггүй л гэдэг юм” хэмээн од болсныхоо дараа хэлсэн байна.
Тэтгэвэртээ суусан нь бол харин үнэн гэнэ. Туркийн хүчний байгууллагад ажиллаж байгаад тэтгэвэртээ гарсан аж. Гэхдээ буудлагаасаа тэтгэвэртээ суух бодолгүй. “2028 оны Лос-Анжелесийн олимпоос алтан медаль авна гэж найдаж байна” хэмээн өгүүлжээ.
Сэтгэгдэл (0)
Сэтгэгдэл бичигдээгүй байна