Евро2024-д Английн шигшээд Гарет Саутгэйт 26 хөлбөмбөгчийг авч явахдаа “Манчестер Сити”-гийн 100 сая паундын үнэтэй анхны британи хөлбөмбөгч Жек Грилишийг орхисон. Энэ бол том мөн хэцүү шийдвэр байсан тухай дасгалжуулагч Саутгэйт өөрөө мэдэгдэж байлаа. Жек Грилишийн хувьд ч хөлбөмбөгийн замналдаа үзээгүй хүнд мэдрэмжийг төрүүлжээ.
“Амарчихсан хойноо зурагт асаах юмуу гар утсаа харах бүрийд Евро2024-ийн агшин, тоглолтуудад үзэгдээд харахаас ч халширмаар байсныг нуухгүй ээ. Шударга л байя. Шулуухан хэлэхэд, энэ бол хөлбөмбөгчийн замналдаа туулсан хамгийн хүнд өдрүүд байлаа. Өмнө нь ийм хэцүү мэдрэмжтэй хөлбөмбөгчийн хувьд би тулж үзээгүй.
Гашуудал зарлачихсан хүн л байлаа шүүдээ. Харин одоо тэр хүнд өдрүүдийн мэдрэмжээр цэнэглэгдэж, илүү сайн тоглох, илүү урагшлах хөшүүрэг болгон ашиглах ёстой гэж бодно.
Би тэнд байх ёстой гэж бодож байлаа. Английн шигшээд байгаа тоглогчдын, тэдний өгч чадахгүйг өгч чадна гэдгээ мэдэрч байлаа. Гэвч нэгэнт ийм л юм болсон хойно түүгээрээ л байхаас биш яахав. Хөлбөмбөгчийн замналд маань уналт, босолт олон таарсан ч гэлээ энэ бол хөлбөмбөгчийн хувиар мэдэрч туулсан хамгийн хүнд хэцүү өдрүүд байлаа” хэмээн Грилиш өгүүлжээ.
Сэтгэгдэл (0)
Сэтгэгдэл бичигдээгүй байна