Парисын зуны олимпын наадмын боксын эмэгтэйчүүдийн 54 кг-ын жинд Монголын тамирчин Мөнгөнцэцэгийн Энхжаргал Румыны тамирчин, Дэлхийн аваргын мөнгөн медальт Ленута Перижоцийг шүүгчдийн саналаар 4:1-ээр яллаа.
Ийнхүү шөвгийн наймд шалгарч, Туркийн тамирчин, Дэлхийн аварга Хатис Акбастай тулалдахаар боллоо.
Туркийн Акбас бол 2022 онд эх нутагтаа болсон ДАШТ-д Перижоцийг ялж, Дэлхийн аварга болсон тамирчин.
Харин энэ жил Перижоцид 3:2-оор шүүгчийн саналаар хожигдсон юм.
М.Энхжаргал - Хатис Акбасын тулаан наймдугаар сарын 1-нд Улаанбаатарын цагаар 23:20-д эхэлнэ.
Хэрвээ энэ тулаанд ялалт байгуулвал М.Энхжаргал Олимпын хүрэл медалийн болзол хангаж, цаашид мөнгөн медалийн төлөө тоглох эрхтэй болно.
Сэтгэгдэл (0)
Сэтгэгдэл бичигдээгүй байна