Парисын олимпын наадам бол хүн төрөлхтний баяр цэнгэл байх учиртай. Гэвч сайнтай муутай сав дүүрнэ гэдэг шиг энэхүү том баярт байх ёсгүй мэт санагдах хүмүүс бас оччихсон, оролцох гээд байж байгаа гэнэ. Тэдний нэг нь Нидерландын элсний волейболчин Стивен ван де Вельде юм.
Тэрбээр 2014 онд сошиалаар Их Британийн 12 настай нэгэн охинтой танилцаж, дараа нь уулзахаар очсон байдаг. Хэдэн хоногийн дараагаар тэр охинтой дотно харьцаанд оржээ. Гэхдээ охиныг 12 настай гэдгийг сайн мэдэж байсан нь тодорхой нотлогдсон. Ингээд дөрвөн жилийн ял авсан ч 2017 онд суллагдсан байна. Суллагдсаныхаа дараагаар спортдоо эргэн иржээ.
Парисын олимпын наадамд Ван де Вельде Мэтью Иммерстэй хамт нэг баг болж өрсөлдөх юм. Ийм хар намтартай хүн Олимпын наадамд оролцож буйд олон нийт дургүйцэж байгаа ч Олон Улсын Олимпын Хорооны ерөнхийлөгч Томас Бах “Энэ бол Нидерландын Олимпын Хорооны шийдэх асуудал. Тэд л шийдвэр гаргах эрхтэй. Би энэ тал дээр хувийн үзэл бодлоо илэрхийлэх боломжгүй” гэжээ.
Сэтгэгдэл (0)
Сэтгэгдэл бичигдээгүй байна