Евро2024-ийн финалд Английн шигшээ 1:2-оор Испанид хожигдож, тус тэмцээнд хоёр дараалан аман хүзүүдлээ. Гурван жилийн өмнө Италийн шигшээд тоглолтын дараах пенальтиар хожигдсон тул энэ удаад сургамж авч, аварга болно гэж итгэж найдсан олон сая фанатынхаа итгэл, сэтгэлийг хөсөрдүүлсэн ч Их Британийн Хаан сөрөг биш эерэг талыг нь олж харахыг уриалжээ.
“Хэдийгээр финалд шигшээ баг маань хожигдсон ч гэлээ тэргүүнээ өндөрт өргөж, өөдрөг байхыг би мөн миний гэр бүлийнхэн минь уриалж байна. Ялалт тийм ойрхон байхад алдана гэдэг сэтгэл санаанд яаж нөлөөлж болохыг тэмцээнд оролцож үзсэн хүн бүр мэдэж байгаа. Шигшээ багийнхаа өмнөөс харамсавч, Испанийн шигшээд баяр хүргэх нь зөв.
Гэхдээ Европын АШТ-ий финалд шалгарна гэдэг өөрөө том амжилт гэдгийг ойлгож, үндэстнээрээ бахархах ёстой гэдгээ ухамсарлах хэрэгтэй. Ийм үед бид Гурван арслангаа дэмжих ёстой. Тэгвэл ирээдүйд хүрэх их амжилт, олон ялалтын эх болно” хэмээн Хаан Карл II мэдэгджээ.
Сэтгэгдэл (0)
Сэтгэгдэл бичигдээгүй байна