Английн “Арсенал”-ын жигүүрийн хагас хамгаалагч асан Тео Уолкотт нэгэн үе Микел Артета хамт тоглож байхдаа түүнийг ахлах дасгалжуулагч болно гэдгийг мэдэрч ойлгосон тухайгаа ярьжээ.
Артета одоо хуучин багтаа ахлах дасгалжуулагчаар харьцангуй амжилттай ажиллаж буйд Уолкотт гайхахгүй байгаа гэнэ. Учир нь тоглогч байхдаа багийнхнаа дасгалжуулагч шиг цуглуулж, зааварчилгаа өгч, Арсен Венгерт хүртэл айдас мэдрүүлж байсныг нь мэдэх ажээ.
“Арсенал”-д Артета тоглогч байх үед нэг явдал болсон юм. Тэгэхэд л би түүнийг дасгалжуулагч болох юм байна гэдгийг ойлгосон. Тэр үед манай баг эхний дөрөвт багтаагүй юм.
Бид 30 минут орчим бэлтгэл хийсний дараагаар Артета биднийг хувцас солих өрөөнд оруулаад дотроосоо түгжчихэж билээ. Яг л ахлах дасгалжуулагч шиг. Тэгээд л нөхцөл байдал ямар байгаа, яах ёстой талаар ярьж эхэлсэн. Яг л ахлах дасгалжуулагчийн үүргийг гүйцэтгэсэн.
Харин Арсен Венгер биднийг хувцас солих өрөөний гадна хүлээж байлаа. Бид гаралгүйгээр ярилцаад л, Артета бэлтгэл хэрхэн хийх, яах ийх тухай ярьж гарсан. Ер нь Артета их хүчтэй хувь хүн шүү дээ. Тийм болохоор Арсен ч түүнээс айдаг байсан” хэмээн Тео Уолкотт өгүүлжээ.
Сэтгэгдэл (0)
Сэтгэгдэл бичигдээгүй байна