Монголын Улаан загалмай нийгэмлэгийн 85 жилийн ойг угтан Хүүхэд залуучуудын хөдөлгөөний “Үндэсний зуслан цугларалт 2024”-ыг "Хүмүүнлэг ирээдүй" сэдвийн хүрээнд Олон улсын хүүхдийн “Найрамдал” цогцолборт 6 дугаар сарын 23-30-ны өдрүүдэд зохион байгуулна.
Жил бүр уламжлал болон зохион байгуулдаг энэхүү Үндэсний зуслан цугларалт нь хөдөлгөөний гишүүд хоорондын нөхөрлөл, хамтын ажиллагааг сайжруулж, сайн дурын ажлын туршлага хуримтлуулах, цаашид хамтран ажиллах боломжийг бүрдүүлэн хүмүүнлэгийн үйл ажиллагаагаар дамжуулж орон нутаг, хүрээлэн буй орчиндоо эергээр нөлөөлөхөд дэмжлэг үзүүлэх зорилготой юм.
Цугларалтад Монголын Улаан загалмай нийгэмлэгийн Хүүхэд, залуучуудын хөдөлгөөний аймаг, дүүргийн дунд шатны Улаан загалмайн хороо тус бүрээс өсвөрийн улаан загалмайн 13-17 насны долоон гишүүнийг хамруулах аж.
Сэтгэгдэл (0)
Сэтгэгдэл бичигдээгүй байна