Домогт гүйгч, ямайк залуу Усэйн Болт Английн “Манчестер Юнайтед”-ын үнэнч фанат гэдгээ нуудаггүй. Тэрбээр өнгөрсөн улиралд Английн Премьер лигт “Арсенал” түрүүлээгүйд олзуурхснаа мөн нуусангүй. Харин яагаад олзуурхснаа ингэж тайлбарлажээ.
“Надаас хүмүүс “Арсенал”, “Манчестер Сити” хоёрын аль нь түрүүлбэл дээр вэ? гэж их олон удаа асуусан. Би “Манчестер Сити” гэж тэр дор нь эргэлзэлгүй хариулж байлаа. Тэгэхээр зарим нь “Тэд чинь танай багийн өрсөлдөгч шүү дээ” гэдэг.
Би “Арсенал”-ын олон фанатыг танина. Баг нь лигийг тэргүүлээд эхлэхээр тэд их олон үгтэй. Олон юм яриад эхлэхээр нь “Та нар түрүүлээгүй байна шүү” гэж би сануулдаг юм. Тэгж их олон юм ярьдаг хүмүүс баг нь түрүүлчихвэл яах бол? Ёстой баллана биз дээ. Тиймээс би “Арсенал” биш “Манчестер Сити”-г түрүүлээсэй гэж бодож байлаа.
“Ливерпүүл” үү? Тэд түрүүлчихвэл түрүүлсэн тоогоороо манай багтай тэнцчих учир түрүүлээсэй гэж би мэдээж хүсэхгүй” хэмээн Олимпын найман удаагийн аварга Болт өгүүлжээ.
Сэтгэгдэл (0)
Сэтгэгдэл бичигдээгүй байна