32 настай бельги хагас хамгаалагч Кевин Де Брюйний Английн “Манчестер Сити”-тэй байгуулсан гэрээ дуусгавар болоход нэг жилийн хугацаа үлдсэн.
Зарим хэвлэл түүнийг энэ зун Саудын Арабын явуулчихсан байгаа. Ийм алхам хийх нь ойлгомжтой гэж мэдээлж байгаа нь тэр. Тэгвэл Английн Премьер лигийн түүхэнд гоолын дамжуулалтынхаа тоогоор аман хүзүүнд бичигдэж буй тоглогч өөрөө юу өгүүлснийг сонирхоё.
“Гэрээ дуусгавар болоход жилийн хугацаа үлдсэн болохоор байж болох хувилбаруудын талаар би бодох ёстой болж байна. Миний том хүү одоо 8 настай. Англиас өөр улс оронд байж үзээгүй болохоор мэдэхгүй ч үгүй. Тэгсэн хэрнээ “Аав аа, та “Сити”-д үргэлжлүүлэн тоглох уу?” гэж асуудаг болж. Тиймээс цаг нь ирэхээр шийдвэр гаргах л ёстой болох нь.
Эхнэр маань ер бусын адал явдалд дуртай. Тэгээд ч миний насан дээр хөлбөмбөгч хүн байж болох бүхий л саналд нээлттэй байх ёстой болов уу. Хөлбөмбөгчийн замналаа өндөрлүүлэхээс өмнө авч болох асар их мөнгөний тухай яриа шүү дээ. Үүнийг бодож үзэх л ёстой.
Хэрвээ би тэнд /Саудын Араб/ хоёр жил тогловол асар их мөнгө авах болно. Өмнө нь 15 жил тоглосныхоо дараагаар их мөнгөний аялалд гардаг байсан байж болно. Харин миний хувьд заавал тэр олон жилийг хүлээлгүй оччихож ч бас болно. Тиймээс бодох л ёстой байхгүй юу. Гэхдээ яг одоогоор нухацтай бодоод, явъя гэж шийдсэн юм алга л байна” хэмээн Де Брюйн өгүүлжээ.
.
Р.Гэгээ
Сэтгэгдэл (0)
Сэтгэгдэл бичигдээгүй байна