40 насны босго руу дөхөөд буй португал довтлогч Криштиано Роналдо өчигдөр дахин нэгэн дээд амжилт тогтоолоо.
Саудын Арабын лигийн “Аль Наср”-“Аль Иттихад”-ын 4:2-оор өндөрлөсөн тоглолтод тэрбээр дубль хийснээр энэ улиралд лигт оруулсан гоолын тоо нь 35-д хүрлээ. Ингэснээр Саудын Арабын лигийн нэг улиралд хамгийн олон гоол оруулсан тоглогч болж, түүхэн дээд амжилтын эзэн болж байна.
Сонирхолтой нь түүнээс өмнө 34 гоолтойгоор түүнээс өмнө дээд амжилтыг эзэмшиж байсан Абдераззак Хамдаллах нь “Аль Наср”-т тоглож байхдаа 2018/19 оны улиралд дээд амжилтаа тогтоосон бөгөөд 2021 онд “Аль Иттихад”-д буюу өчигдрийн өрсөлдөгч багт шилжжээ.
Саудын Арабын лигийн энэ улиралд Криштиано Роналдо 31 тоглолтод ийнхүү 35 гоол оруулснаар дөрвөн өөр улсын лигт мэргэн буучаар тодорч байна. Үүнээс өмнө Английн Премьер лиг, Испанийн Ла лиг болон Италийн Сери А-гийн мэргэн бууч болж байсан билээ.
Сэтгэгдэл (0)
Сэтгэгдэл бичигдээгүй байна