Дээрхийн гэгээн, оройн дээд Очирдарь Богд Жавзандамба хутагтын аравдугаар дүр Данзанжамбалчойживанчиг Монгол угсаатны оюун санааны шинэ удирдагч, Х Богд ламтан Бурхан багшийн дүйчэн өдөрт өөрийн зарлиг, захиас бичгээ хайрлан явуулжээ.
Түүний зарлиг, захиасыг шинэ цаг үеийн шашны залуу лам уншиж сонордуулсан байна.
Зарлиг, захиаст "Бурхан багшийн мэлмийд бишрэн мөргөе. Ийнхүү бэлгэ дэмбэрэлт сайн өдөр Монголын бурхан шашинтны төв Гандантэгчинлэн хийдэд хуран чуулсан хутагт, хувилгаад, эрдэмтэн, лам хуврагууд, сүсэгтэн олон, гадаад дотоодын зочид төлөөлөгч та бүхэнд Бурхан багшийн их дүйчэн өдрийн мэндийг хүргэе. Энэ өдөр хүн бүхэн жаргалын үндэс буянд шамдаж, зовлонгийн үндэс нүгэл хилэнцийг цээрлэн өнгөрөөхийг уриалж байна.
Мөн эл өдөр эх дэлхий, элгэн садан бүхнээ хайрлан даян дэлхий амар тайван байхыг өргөн залбираарай. Эх орон, элэг нэгт түмэн олон маань амар амгалантай, даян дэлхийд энх тайван цогцолж, цаашлаад хамаг амьтан амар амгалантай байх болтугай хэмээн залбирч байна. Эрдэмт бурхны шашин 10 зүгтээ дэлгэрэх болтугай. Монголын нийт ард түмэн, сүсэгтэн олондоо эрүүл энх, амар амгаланг хүсэн ерөөе.
Х Богд Жавзандамба хутагт Данзанжамбалчойживанчиг" гэжээ.
Сэтгэгдэл (0)
Сэтгэгдэл бичигдээгүй байна