Боловсролын ерөнхий газар, Орбис олон улсын байгууллага хамтран хэрэгжүүлэх “Цэцэрлэг, сургуулийн хүүхдийн нүдний эрүүл мэндийг дэмжих” төслийн нээлт өнөөдөр боллоо.
Сонгогдсон 33 цэцэрлэг, сургуульд хэрэгжүүлэх уг төслийн хүрээнд Монгол улсын зорилтот сургуулийн сурагчдын дунд үзлэг зохион байгуулахад 45 хувь нь харааны ямар нэгэн асуудалтай байжээ.
Төслийн хүрээнд хүүхдийн харааны эрүүл мэндийн чиглэлээр 50 жилийн турш ажиллаж байгаа Профессор, судлаач Брюс Мүүрийн сүүлийн 25-30 жилийн турш хүүхдийн насны онцлогийг харгалзан судалсан хараа шалгах аргачлалыг нэвтрүүлэн цэцэрлэг, сургуулийн бүлгийн болон анги удирдсан багш, эмч, нийгмийн ажилтнаар удирдуулан нүдний илрүүлэг үзлэгийг зохион байгуулж ESIS системд цахимаар бүртгэнэ.
Үзлэгээр ямар нэгэн асуудалтай илэрсэн хүүхдийг нэгдсэн эмнэлгийн нүдний мэргэжлийн эмчид илгээн нүдний шилээр хангах, хүүхэд эцэг эх, асран хамгаалагчдад энэ чиглэлээр эрүүл мэндийн боловсрол олгох юм. Мөн нүдний эрүүл мэнд нь сурагчдын суралцах чадвар цаашлаад амьдралын чанарт хэрхэн нөлөөлж байгаа талаар судалж, үүнээс урьдчилан сэргийлэх арга аргачлалыг 3 жилийн хугацаанд хэрэгжүүлэн ажиллана.
Сэтгэгдэл (0)
Сэтгэгдэл бичигдээгүй байна