Өнгөрсөн ням гаригт Английн “Ливерпүүл”-ийг удирдаад, ажлаа өгсөн Юрген Клопп нэгмөсөн тэтгэвэртээ гарахгүй, хэсэг амраад эргэж ажиллана гэдгээ эхэлсэн байна.
“Би дахиад ажиллана. Энэ ажлаа дөнгөж л өглөө шүү дээ. Яагаад намайг дахиад дасгалжуулагчаар ажиллана гэдэгт хүмүүс итгэхгүй байгааг харин ойлгохгүй юм. Магадгүй дасгалжуулагчийн ажил яг л хар тамхи шиг үйлчилдэг болохоор тэгж санагдсан байж мэднэ.
Намайг буцаад ажилдаа ороод, 70 нас хүртлээ ажиллах байх гэж зарим бодож байж ч мэднэ. Гэхдээ би хэзээ ч тийм удаан хугацааны турш ажиллана гэж боддоггүй. Бусад ухаалаг хүмүүс ажлаа янз бүрээр хийсээр өндөр насанд хүртлээ ажилладаг байх. Харин би өөрийгөө бүрэн зориулж байж ажилладаг чаддаг хүн. Надад эрч хүч, гал цог хэрэгтэй байдаг юм. Би бүх талаараа ажилдаа бүрэн бэлэн байх ёстой. Харин яг одоо бол би хов хоосон болчихсон. Ийм л байна.
Үнэндээ одоо юунд их санаа зовдог болчихсон бэ гэхээр өнөөдөр Жон Ахтерберг /хаалгачдын дасгалжуулагч/ дэргэд байнга ханиалгаж суулаа. Тэгээд би “Маргааш өглөө гэхэд би өвдчихсөн байх юм байна л даа. Ядаж дандаа над руу ханиагаад байх юм” гэж бодож байх жишээтэй.
Тэрнээс би дараа нь удирдаж болох ямар баг байна? гээд хараад, судлаад байгаа юм байхгүй. Мэдээж, надад боломж олдоно. Ажил олдоно. Гэхдээ яг одоо бол “За, жилийн дараа байсан бол энэ ажлыг хийх л байлаа” гэж бодоод “Дараа нэг бодож үзье” гэх жишээтэй.
Маргааш юу хийхээ би төсөөлөхгүй байна. Юм хумаа эмхэлж, цэгцлэх ёстой болох байх. Хувийн амьдралаа төлөвлөх гээд чамгүй ажил бий. Хэрвээ намайг юм хумаа цэгцлэхгүй бол эхнэр Улла маань хэдүүлээ хаашаа явах гэж буйг сануулж хэлэх биз. Тэрнээс миний өмнө юу хүлээж байгааг мэдэх юм алга” хэмээн Юрген Клопп өгүүлжээ.
Сэтгэгдэл (0)
Сэтгэгдэл бичигдээгүй байна