Германы “Байерн Мюнхен” Томас Тухелийн оронд томилох дасгалжуулагчаа хайсан хэвээр байна.
Ральф Рангник гэнэт татгалзаж, Хаби Алонсо багтаа үлдэж, Юлиан Нагельсманн шигшээ багтай гэрээгээ сунгаснаар “Байерн Мюнхен” хайлтаа өөр мэргэжилтнүүд рүү чиглүүлэхээс аргагүйд хүрсэн. Тухайлбал, Английн “Кристал Пэлас”-ын дасгалжуулагчаар томилогдоод удаагүй байгаа Оливер Гласнерийг авах боломжийг судалсан гэнэ.
Гэвч “Бүргэдүүд” онцгой сайн ажиллаж буй дасгалжуулагчаа яасан ч зарахгүй гэдгээ ойлгуулах гэхдээ 86 сая паунд төлөхийг шаарджээ. Энэ нь хөлбөмбөгийн түүхэнд дасгалжуулагчийг худалдан авсан дээд үнэд тооцогдож буй Грэм Поттерийг “Брайтон”-оос “Челси” худалдан авсан дүнгээс 21.5 сая паундаар давж байгаа юм байна.
Өнгөрсөн хоёрдугаар сард “Кристал Пэлас”-ын дасгалжуулагчаар ирсэн Гласнерийг ийм учир авах боломжгүй болсон байна. 49 настай австри дасгалжуулагч Оливер Гласнер нь Германы “Айнтрахт Франкфурт”-ыг Европа лигийн аваргын цом өргүүлсэн мэргэжилтэн.
Харин “Байерн Мюнхен”-ий одоо байж болох хамгийн өндөр магадлалтай сонголтууд нь “Брайтон”-ы Роберто Де Зерби болон хуучин дасгалжуулагч Ханс-Дитер Флик нар болоод буй сурагтай.
Сэтгэгдэл (0)
Сэтгэгдэл бичигдээгүй байна