Өчигдөр “Манчестер Юнайтед”-ыг “Арсенал” талбайд нь 0:1-ээр хожсоны дараагаар “Их буучид”-ын дасгалжуулагч Микел Артета “Бид мөрөөдлийн хайрцагаа нээлээ” хэмээн мэдэгдсэн юм. Өөрөөр хэлбэл, Премьер лигийн сүүлчийн тойргийн дүн гартал аваргын хувь заяа шийдэгдэхээргүй болж, “Арсенал”-д боломж үлдсэн.
Тэгвэл герман их бууч Кай Хаверц тэдний гол өрсөлдөгч “Манчестер Сити”-тэй “Тоттенхэм” тааран тоглоход Хойд Лондоны мөнхийн өрсөлдөгчийнхөө том дэмжигч байх болно гэдгээ хэлсэн байна.
“Бид энэ тоглолтод их сайн бэлдсэн. Гэхдээ нэг их сайн тоглоогүй байж болох ч гэлээ гурван оноогоо авч чадлаа. “Манчестер Сити” байнга хожоод байгаа учир бид ч гэсэн алдалгүй хожоод байх ёстой болж байна. Тоглолт бүрт бид маш сайн тоглох ёстой. Хожих тоолонд сэтгэл санаа улам дээр болж байгаа.
14-нд “Сити”-тэй тоглоход нь би “Тоттенхэм”-ийн хамгийн том дэмжигч байх болно. Тэгээд бидний хүссэн дүнгээр дуусаасай гэж найдах болно” хэмээн Хаверц өгүүлсэн байна.
Сэтгэгдэл (0)
Сэтгэгдэл бичигдээгүй байна