Нийслэлийн Баянгол дүүргийн газар зохион байгуулалтын алба, тус дүүргийн 29 дүгээр хорооны Засаг даргын ажлын алба орон сууцны хотхонуудын голд орц гарц хааж, эзэмшлийн газраасаа хэтрүүлэн барьсан иргэн н.Цогнямын эзэмшлийн хашааг татуулах ажлыг зохион байгуулж байна.
Нийслэлийн Засаг даргын 2022 оны А/787 тоот захирамжтай 15669 ам дөрвөлжин хэмжээтэй газарт барилга барих зорилгоор хашаа хатгахдаа зөвшөөрөгдсөн хэмжээнээсээ уртааш 145м, 4м өргөн зайд хэтрүүлэн хашаалсан аж.
Хашааг татуулж, чөлөөлснөөр тухайн байршилд зам тавих боломж бүрдэх бөгөөд замын зураг бэлэн болсон гэдгийг Нийслэлийн замын хөгжлийн газраас мэдэгдлээ.
Сэтгэгдэл (0)
Сэтгэгдэл бичигдээгүй байна