Европын Аваргуудын лигийн шөвгийн наймд Английн “Манчестер Сити”-г Испанийн “Реал Мадрид” талбайд нь тэнцээд, тоглолтын дараах пенальтиар 3:4-өөр хожлоо.
Мадридын клубээс эхэлж цохисон Лука Модрич пенальтиа алдсан. Гэвч үүний дараагаар Манчестерийн клубын Бернардо Силва, Матео Ковачич нарын цохилтыг “Реал Мадрид”-ын украин хаалгач Андрей Лунин хааснаар багтаа ялалт авчирсан билээ.
Ялангуяа Бернардо Силвагийн төв рүү цохисон бөмбөгийг яаж зөв таасан талаар нь олон хүн сонирхож буй нь лавтай. Тэгвэл украин хаалгач ийм тайлбар өгчээ.
“Үнэхээр их ядарлаа. Тоглолтын тухайд бол бид пенальтиар хожлоо. Ковачичийг хаашаа цохихыг бол мэдэж байсан. Мэдээж, тоглолтын өмнө бид бэлтгэл дээр пенальтийн бэлтгэл хийсэн. Модрич их үнэтэй зөв зөвлөгөө өгсөн.
“Манчестер Сити”-гийнхэн пенальти яаж цохих бол бид сайн ярилцсан юм. Тэр ярианы явцад нэг нь ч гэсэн төв рүү цохино гэж таамагласан. Ингээд бид азаа үзэхээр шийдсэн юм л даа. Азаар би зөв хүнээ буюу Бернардо Силваг сонгож, төвдөө үлдсэн нь зөв боллоо. Эрсдэл хийсэн тулдаа эргээд бид сэргээд босоод ирлээ” хэмээн Лунин өгүүлжээ.
Сэтгэгдэл (0)
Сэтгэгдэл бичигдээгүй байна