УИХ-ын Эмийн үнийн өсөлтийн шалтгаан, нөхцөлийг хянан шалгах үүрэг бүхий Түр хорооноос нотлох баримтыг шинжлэх судлах сонсголыг энэ сарын 15-17-ны өдөр зохион байгуулж байна.
Эмийн хүртээмжийн асуудлаарх сонсголын үеэр өвчтөнд яг хэрэгцээтэй эм Монгол Улсын эмийн бүртгэлд бүртгэгдэхгүй, оруулж ирсэн эмийн хугацаа дуусаж устгагдсан талаар иргэдийн төлөөлөл ярьсан юм.
Тухайлбал, унаж татах өвчтэй иргэдийн төлөөлөл н.Хонгор “Эмийн чанар муу байгааг орон даяар мэдэж байгаа. Хамгийн гол нь гаднаас зөндөө олон эм авч уудаг. Тэр нь Монгол Улсын эмийн жагсаалтад ороогүй. Тэгсэн мөртлөө хөнгөлөлттэй эмийн жагсаалтад орсон. Хөнгөлөлттэй эмийн жагсаалтад орсон атлаа Монгол Улсын эмийн жагсаалтад ороогүй учраас эмийн сангаас хөнгөлөлттэй үнээр авах ямар ч боломжгүй. Бид бас тарилга ампулиар авдаг. Яаралтай үед уналт таталт өгөнгүүт тариаг судсаар хийнэ. Гэтэл Монголд уналт таталт намдаадаг бараг ганцхан тарилга байдаг. Герман, Францад шулуун гэдсээр хийж болдог лаанууд байдаг. Уналт таталттай өвчтөнүүдийн төрийн бус байгууллагад бид хүсэлт гаргаад “Монос” фарм лаа оруулж ирсэн. Гэсэн хэдий ч энийг эмнэлгүүд, өрхийн эмнэлгүүд нь яаралтайгаар авахгүй, хэрэглэж чадахгүй байсаар байгаад одоо бараг оруулж ирсэн хэдхэн лааных нь хугацаа дууссан. Бидний уудаг эм тариагаар байдаг болсон. Шууд эмээр уухгүй, таталт өгч байгаа үед амьсгалын аппараттай ч байх юм уу ийм тохиолдолд тарилгаар хэрэглэх боломжтой байхад манай улсад ерөөс тарилгаар оруулж ирээгүй байгаа. Хотод байгаа бид авчихдаг юм гэхэд хөдөө орон нутагт байгаа адилхан өвчтэй хүмүүст ерөөсөө хүрэлцэхгүй байна.” гэж ярилаа.
Мөн өнөөдөр “Оном” сангийн Төлөөлөн Удирдах Зөвлөл (ТУЗ)-ийн дарга Д.Наранбаатар хэвлэлийн бага хурал хийж, Эрүүл мэндийн яяамны үйл ажиллагааны доголдол, Сангийн яамны Төрийн нарийн бичгийн даргын хариуцлагагүйгээс болж 450 гаруй хүний элэг бүтэн болох боломж хаагдаж, 3.6 сая ам.долларын үнэтэй АНУ-аас ирсэн "AbbVie" брэндийн эм өнгөрсөн баасан гаригт устгалд орсон гэж мэдэгдэв.
Сэтгэгдэл (0)
Сэтгэгдэл бичигдээгүй байна