Английн “Манчестер Сити”-гийн 27 настай тулгуурын хагас хамгаалагч Родри энэ улиралд шигшээ, клубтээ нийтдээ 47 тоглолтод гараад байна. Тэдний өмнө дахиад байж болох тоглолтын тоо 13. Өөрөөр хэлбэл, 10 сарын хугацаанд Родри 60 тоглолтод гарах нь биеийн эрүүл мэндийн хувьд хортой, гэмтэж бэртэх, ядрах сульдах магадлалыг ихэсгэж байгаа нь ойлгомжтой юм.
Тэгээд ч энэ улирлын эхэнд Родри амралт хэрэгтэй байгаа талаар хэвлэлээр ний нуугүй ярьсан ч гэлээ “Манчестер Сити”-гийн дараалсан олон тоглолтуудын улмаас түүнд хангалттай амрах цаг хугацааг Пеп Гвардиола гаргаж өгч чадахгүй л яваа юм. Тэгвэл үлдсэн 13 тоглолт буюу хэрвээ Аваргуудын лигийн финалд хүрч, Холбооны цомд мөн финалдвал ядаж өмнөх нэг тоглолтод нь амраах бодлого барих бололтой.
“Надад амралт хэрэгтэй байна. Бид үүн дээр бодож төлөвлөсөн юм бий. Харин яг хэдийд хэрэгжүүлэх вэ гэдгээ харцгаая. Заримдаа ч шахуу хуваарь, янз бүрийн нөхцөл байдлаас шалтгаалаад яаж ч чадахгүй юм. Тиймээс аясыг дагахаас өөр аргагүйд болчихоод байх юм” хэмээн Родри өгүүлжээ.
Сэтгэгдэл (0)
Сэтгэгдэл бичигдээгүй байна