Эх, хүүхдийн эрүүл мэндийн үндэсний төвийн Хүүхдийн эмнэлгийн Яаралтай тусламжийн тасагт байгуулагдсан цагаас нь хойш анх удаа иж бүрэн засвар хийжээ.
Хоногт 250-500 хүүхдэд үйлчилж, дотрын болон мэс заслын тусламж, үйлчилгээг үзүүлдэг уг тасгийн агааржуулалтын систем, сантехникийн сүлжээ, цахилгаан, холбооны дохиоллын сүлжээг бүрэн шинэчилсэн байна. Мөн угаарын болон бусад хордлогын үед тусламж, үйлчилгээ авахад ээлтэй байх зохицуулалтыг хийх үүднээс хүлээлгийн танхимд хүчилтөрөгчийн аппаратыг суурилуулж, усанд орох өрөөг тохижуулжээ.
Гоц халдварт өвчний шинж тэмдэгтэй хүүхэд ирсэн тохиолдолд үүднээс шууд тусгаарлах өрөөнд оруулахаар бэлтгэснээс гадна хүлээлгийн өрөө болон заалыг олон улсын стандартад нийцүүлж засварлахдаа нярай хүүхэдтэй ээжүүдэд зориулсан буланг байгуулсан байна. Хүүхдийн эмнэлгийн Яаралтай тусламжийн тасагт 35 жилийн дараа иж бүрэн засвар хийсэн нь энэ аж.
Сэтгэгдэл (0)
Сэтгэгдэл бичигдээгүй байна