Английн Премьер лигт өчигдөр долоон гоолтой сонирхолтой тоглолт болж өнгөрлөө. “Челси” талбайдаа “Манчестер Юнайтед”-ыг хожиход шүүгчийн сунгасан 90+10 болон 90+11 дэх минутад Коул Палмер хоёр гоол оруулснаар багтаа 4:3-аар хожил авчирсан. Мөн өөрөө хет-трик хийсний хоёр нь пенальти байлаа.
Ингэснээр Коул Палмер 16 гоолтойгоор Премьер лигийн мэргэн буучдын жагсаалтын аман хүзүүнд гарч ирлээ. Энэ улиралд 8 пенальти цохисноос бүгдийг нь амжилттай гүйцэтгэсэн залуу тоглолтын дараагаар “Үнэхээр галзуурмаар тоглолт боллоо. Солиорол гэж энэ байх. Би маш их жаргалтай байна. Хүмүүс намайг дэндүү олон удаа пенальти цохилоо гэх байх. Яахав тэгвэл тэгнэ л биз. Гэхдээ би бүгдийг нь хийгээд байгаа биз дээ, тийм үү? Мод цохъё доо, түг, түг, түг” хэмээн өгүүлжээ.
Сэтгэгдэл (0)
Сэтгэгдэл бичигдээгүй байна