Английн шигшээд тоглож явсан эдүгээ 31 настай Жесси Лингард энэ улирлыг “Вест Хэм”-д эхлүүлж болох байсан ч ямар нэгэн шалтгааны улмаас татгалзаад Саудын Арабын клубүүдээс санал ирнэ гэж хүлээсэн.
Стивен Жеррардын удирдаж буй Саудын Арабын “Аль Иттифак” клубт очиж хэдэн хоногийн бэлтгэл хийж үзүүлсэн ч гэлээ гэрээ байгуулалгүй буцаасан юм. Ингээд сүүлдээ Өмнөд Солонгосын “Сөүл” клубын тоглогч боллоо гэх зар өвөл түгсэн. Гэтэл одоо шинэ багийнх нь дасгалжуулагч түүнээс салахын түүс болж буйгаа хэвлэлээр ил зарлаж байна.
“Лингардаас яаж салах вэ? л гэж бодох боллоо. Хөлбөмбөгийн талбайд гарчихаад хэдхэн минут ч болтугай гүйдэггүй хүнийг би хөлбөмбөгч гэж үздэггүй.
Хэрвээ Лингард тэмцэлдэхгүй, гүйхгүй бол түүний оронд 90 минутын турш гүйх чадалтай тоглогчийг гаргасан нь дээр биз дээ? Зөвхөн өмнөх гавъяа, нэр алдраар өнөөдөр тоглоно гэвэл хөлбөмбөгчийн замналаа өндөрлүүлчихсэн илүү алдартай тоглогчидтой гэрээ байгуулсан нь дээр байлгүй дээ” хэмээн “Сөүл”-ийн дасгалжуулагч Ким Ги Дон өгүүлжээ.
Сэтгэгдэл (0)
Сэтгэгдэл бичигдээгүй байна