Х.НЯМБААТАР: АВТОБУСАНД СУУСАН ХҮНИЙ "ТОЛГОЙ"-Г ТООЛНО

-МОРИНГИЙН ДАВАА, ТАХИЛТАД АВТОБУСНЫ ДУЛААН ЗОГСООЛТОЙ БОЛНО-

Ирэх гуравдугаар сарын 15-наас нийтийн тээврийн төлбөр тооцооны шинэ системийг олон нийтэд танилцуулж, шилжихээр төлөвлөж байна. Тухайлбал, зорчиж буй хүний толгойг тоолдог системийг бүх автобусанд суурилуулна гэж Нийслэлийн Засаг дарга Х.Нямбаатар мэдэгдлээ.
Оюутан, ахмад настан, хөгжлийн бэрхшээлтэй иргэн, хүндэт донор зэрэг хөнгөлөлттэй зорчдог иргэдийн картыг нийтийн тээврийн салбарт өгч буй төсвөөс цэнэглэж өгнө. Ингэснээр тухайн иргэний толгой тоологдож, картаа төхөөрөмжид уншуулсантай нь таарах ёстой. Хэрэв энэ нь зөрвөл тухайн автобусны жолоочид шаардлага тавих юм. Бэлэн мөнгө хийх зориулалттай, шууд онгойдоггүй савыг жолоочийн хажууд байрлуулсан ч өдөрт 30-40 мянган төгрөг жолооч нарын халаасанд орж байна гэж тэрбээр мөн ярьжээ.

Мөн улсын төсвийн хөрөнгөөр Морингийн даваа, нийслэлийн төсвийн хөрөнгөөр Тахилтад автобусны дулаан зогсоол, хөдөлгөөний удирдлагын төв, засвар үйлчилгээний төв, шатахуун түгээх станц, шалган нэвтрүүлэх байр бүхий хоёр цогцолбор төвийг тавдугаар сард ашиглалтад оруулахаар ажиллаж байгаа