Монгол Улсад эмчлэх боломжгүй, гадаадад өндөр өртөгтэй хийдэг “Тархи, нуруу нугасны хавдрын навигацийн болон стереотактик туяаны мэс засал"-ын технологийг Хавдар судлалын үндэсний төв нэвтрүүлжээ. Уг мэс засал нь зөвхөн хавдар биш олон төрлийн өвчинд ашиглах боломжтой, гаж нөлөө бага, үр дүнтэй мэс засалд тооцогддог байна.
Эх орондоо энэ технологийг нэвтрүүлснээр гадаадад 30-100 гаруй сая төгрөгийн үнэтэй мэс засалд ордог үе ард хоцорно гэж эмч нар ярьж байна. Энэ мэс заслаар гурван мм хүртэл жижиг хавдрыг ч эмчлэх боломжтой болж байна.
Тархины хавдрын мэс заслын дараа үсэрхийлэх магадлал 50 хувьтай байдаг аж. Технологи нэвтрүүлснээр туяаны мэс заслыг ашиглан үсэрхийлсэн хавдрыг эдгээх чиглэлд шилжиж байна.
Стереотактик туяаны мэс заслын технологийг эх орондоо нэвтрүүлэх ажил 2010 оноос эхэлсэн бөгөөд 2020 онд 7 сая еврогийн санхүүжилт авч технологийг эмчилгээнд ашиглахад бэлэн болжээ.
Сэтгэгдэл (0)
Сэтгэгдэл бичигдээгүй байна