Дэлхийн мисс шалгаруулах тэмцээнд эх орноо төлөөлөн оролцож, 120 улсын гоо бүсгүйчүүдтэй өрсөлдөж буй "Монголын Сайхан Бүсгүй-2023"-ын алтан өргөмжлөлт тэргүүн мисс Бат-Эрдэнийн Болор авьяаслаг мисс шалгаруултад ТОП-14-д шалгарав.
Тэрбээр “Энд ирснээс хойш шалгаруулалт бүр дээр амжилтаа ахиулж, Монгол Улсынхаа нэр хүндийг өөрийн чадах бүх хичээл зүтгэлээ гаргаж өндөрт өргөхийг хичээж оролцож байна. “ гэжээ. Авьяаслаг мисс шалгаруулалтдаа нэгдүгээр шатанд өргөн уудам тал нутагт тэнгэр баганадсан цаст уулын дундуур байгаль эхийн охин тэнгэр, хүн байгаль хоёрын амьд харилцаа хүйн холбоог харуулан сүслэн дээдэлж эх дэлхийдээ эрх дураараа бүжиглэж буй монгол бүсгүйн гоо үзэсгэлэнг харуулж ЦАСТ УУЛЫН ОХИН бүжгээ бүжиглэсэн. Хоёрдугаар шатандаа эмэгтэй хүний гоо үзэсгэлэн болон хүч чадал, уран тансаг эрхэмсэг сайхныг гайхуулж, түүнийгээ уяхан эгшигт хөгжимтэйгөө зүйрлэн бахадсан, Урлагийн бурхан тэнгэр Янжинлхам бурхны суудал дээр үндэслэж дэглэсэн гайхамшигтай бүжиг ГОО УЯНГА-ыг бүжиглэсэн талаараа тэр өгүүлсэн байна.
Монгол хүн байгаль эх дэлхийгээ сүслэн дээдэлдгийг
Монголчууд эх хүнийг, бүсгүй хүнийг тэнгэрийн дагинын энтэй дээдлэн хайрладгийг харуулахыг чин сэтгэлээсээ хичээж, түүнийгээ маш сайн харууллаа. Сэтгэл дүүрч, эх орноороо бахархаж байна гэж Б.Болор бичжээ.
Дэлхийн мисс тэмцээний Авьяаслаг мисс шалгаруулалтад түрүүлсэн бүсгүй шууд сүүлийн 40 миссийн тоонд үлдэх юм.
Б.Болор нь Монгол Улсын Үндэсний урлагийн их театрын гоцлол бүжигчин. Их ноён хутагт Дулдуйтын Данзанравжаагийн өв соёлыг түгээн дэлгэрүүлэх үйлсэд зориулан бүтээж, үзэгч олны талархлыг хүлээгээд байгаа Тэнгэрийн хутагт бүжгэн жүжгийн Равжаа хутагтын сэтгэлтэй бүсгүй Цогзулын дүрд бүжиглэсэн, манай шилдэг бүжигчдийн нэг юм. Тус тэмцээний Мультмедиа шалгаруулалт явагдаж байгаа бөгөөд сошиал дэмжлэгээр шалгаруулдаг тул мисс бүсгүйгээ дэмжих шаардлагатай байгаа билээ.
Сэтгэгдэл (0)
Сэтгэгдэл бичигдээгүй байна