Монгол Улсын Ерөнхийлөгч У.Хүрэлсүх ажлаа хүлээлгэж өгч, шалгуулна гэж өнөөдөр /2026.11.17/ мэдэгдэв. Гэхдээ ажлаа хүлээлгэж өгөөд нэр төрөө сэргээлгэнэ гэсэн юм.
Ерөнхийлөгчийн бүрэн эрхийн хугацаа ямар тохиолдолд дуусгавар болдог вэ.
Монгол Улсын Ерөнхийлөгчийн тухай хуулийн зургаадугаар зүйлийн 3 дахь хэсэгт энэ талаар зохицуулжээ.
6.3. Ерөнхийлөгчийн бүрэн эрх дараахь тохиолдолд хугацаанаас өмнө дуусгавар болно:
Хуулийн энэ зохицуулалтын дагуу бол Ерөнхийлөгч У.Хүрэлсүхийн ажлаа хүлээлгэн өгөхийг "хүндэтгэн үзэх шалтгаанаар бүрэн эрхээ хэрэгжүүлэх боломжгүй болсон" гэдэг агуулгад хамааруулж үзэх л боломжтой эсэх нь тодорхойгүй бөгөөд бусад үндэслэл нь таарахгүй байна. Мөн өргөдөл гаргаснаар УИХ эцэслэн шийдвэрлэхээр зохицуулжээ.
Мөн хуулийн 11 дүгээр зүйлд Ерөнхийлөгчийн бүрэн эрхийг УИХ-ын дарга хэрэгжүүлэхээр заажээ.
11 дүгээр зүйл.Ерөнхийлөгчийн бүрэн эрхийг Улсын Их Хурлын дарга хэрэгжүүлэх
1.Ерөнхийлөгчийг түр эзгүйд, эсхүл Ерөнхийлөгч огцорсон, нас нөгчсөн, хүсэлтээрээ чөлөөлөгдсөн бол Улсын Их Хурлын дарга хууль тогтоомжид заасны дагуу Ерөнхийлөгчийн бүрэн эрхийг хэрэгжүүлнэ.
2.Дараахь тохиолдолд Ерөнхийлөгчийг түр эзгүй гэж үзнэ:
3.Энэ зүйлийн 2 дахь хэсгийн 1, З-т заасан тохиолдолд Улсын Их Хурлын дарга Ерөнхийлөгчийн албан ёсоор шилжүүлсэн бүрэн эрхийг хэрэгжүүлнэ.
4.Энэ зүйлийн 2 дахь хэсгийн 2-т заасан тохиолдолд болон Ерөнхийлөгч огцорсон, нас нөгчсөн, хүсэлтээрээ чөлөөлөгдсөн бол Ерөнхийлөгчийн бүрэн эрхийг Улсын Их Хурлын дарга бүрэн хэрэгжүүлнэ.
5.Энэ зүйлийн 4 дэх хэсэгт заасан тохиолдолд Ерөнхийлөгчийн бүрэн эрхийг Улсын Их Хурлын дарга хэрэгжүүлэх асуудлыг Улсын Их Хурал чуулганы хуралдаанаараа тухай бүр хэлэлцэж шийдвэр гаргана.
6.Улсын Их Хурлын дарга Ерөнхийлөгчийн бүрэн эрхийг хэрэгжүүлж байхдаа Ерөнхийлөгчийн зарлиг, захирамжид "Ерөнхийлөгчийн үүрэг гүйцэтгэгч" гэж гарын үсэг зурна.
7.Ерөнхийлөгч ажилдаа эргэж орсон тухай Улсын Их Хуралд мэдэгдсэнээр Ерөнхийлөгчийн түр эзгүй байдал дуусгавар болно.
Энд Ерөнхийлөгчийг түр эзгүй гэж үзнэ хэмээх зохицуулалт байгаа нь анхаарал татаж байгаа юм.
11 дүгээр зүйлийн 2.2-т "Өөрөөс нь үл хамаарах шалтгаанаар бүрэн эрхээ хэрэгжүүлэх боломжгүй болсон", 2.3-т "түр эзгүй гэж Ерөнхийлөгч албан ёсоор үзсэн" гэж заасан байна.
Ерөнхийлөгч ажлаа хүлээлгэн өгч, шалгуулах хугацаандаа эдгээр зохицуулалтыг ашиглах боломжтой харагдаж байгаа юм.
Ерөнхийлөгч У.Хүрэлсүх ажлаа хүлээлгэн өгөөд шалгуулна гэж байгааг хүндэтгэн үзэх шалтгаан гэж үзэх эсэх, хэрвээ тэгж үзвэл УИХ уг хүсэлтийг ёсоор болгох эсэх асуудал гарч ирэх нь ээ.
Эсвэл Ерөнхийлөгчийг түр эзгүй гэж үзэж, тэр хугацаанд асуудлаа шийдүүлэх эсэх нь тодорхойгүй байна.
УИХ Ерөнхийлөгчийн хүсэлтийг хүлээж авахгүй байлаа ч түр эзгүй гэж үзэж шалгуулах боломж байгаа юм. Ерөнхийлөгчийн сонгууль болтол ердөө 7 сарын хугацаа л үлдээд байгаа билээ.
Сэтгэгдэл (0)
Сэтгэгдэл бичигдээгүй байна