Гэмтэл согог судлалын үндэсний төвийн Хавсарсан гэмтлийн мэс заслын тасгийн эмч нар болон Хавдар судлалын үндэсний төвийн Элэг цөс, нойр булчирхайн мэс заслын тасгийн эмч нар хамтран авто ослын улмаас хүнд гэмтсэн өвчтөнд яаралтай мэс засал эмчилгээ хийж эрүүл мэнд, амь насыг нь аварчээ.
Тухайлбал, авто осолд орсноос цээжний хөндийн битүү гэмтэл, олон хавирганы тогтворгүй хугарал, элэгний хүнд гэмтэл авсан өвчтөнд ГССҮТ-ийн Хавсарсан гэмтлийн мэс заслын тасаг, Гар сарвууны мэс заслын тасгийн эмч нар хамтарч эхний удаагийн мэс засал эмчилгээг хийсэн байна.
Улмаар Хавдар судлалын үндэсний төвийн Элэг цөс, нойр булчирхайн мэс заслын тасгийн эрхлэгч Г.Үнэнбат тэргүүтэй эмч, сувилагч нарын багтай хамтран хоёр дахь удаагийн мэс засал эмчилгээг хийж, тухайн өвчтөнийг ГССҮТ-ийн Эрчимт эмчилгээний тасагт шилжүүлэн шаардлагатай тусламж үйлчилгээг үргэлжлүүлэн үзүүлжээ.
Өдгөө өвчтөний биеийн байдал тогтворжиж, энгийн тасагт шилжсэн байна.
Сэтгэгдэл (0)
Сэтгэгдэл бичигдээгүй байна