ЦАЛИНГ 10-20 ХУВЬ, ТЭТГЭВРИЙГ 100 МЯНГАН ТӨГРӨГӨӨР НЭМЭГДҮҮЛНЭ

Ирэх дөрөвдүгээр сарын 1-ээс цалин, тэтгэвэр хэрхэн нэмэгдэх талаар Сангийн дэд сайд С.Мөнгөнчимэг танилцуулав.

Төрийн албан хаагчдын цалингийн нэмэгдэл
• Төрийн бүх албан хаагчдын цалинг 10 хувиар
• Нийтлэг үйлчилгээний ажилтнуудын цалинг 20 хувиар нэмэгдүүлнэ.
Үүнд нийт 225.2 мянган хүнийг хамруулна.
Орон нутгийн нэмэгдэл:
• Суманд ажиллаж байгаа төрийн захиргааны болон үйлчилгээний бүх албан хаагч сар бүр үндсэн цалингийн 40 хувь,
• Аймгийн төв болон нийслэлийн алслагдсан гурван дүүрэгт ажиллаж байгаа төрийн албан хаагчдад 20 хувиар тус тус тооцож орон нутгийн нэмэгдэл олгоно.
Орон нутагт болон нийслэлийн алслагдсан гурван дүүрэгт тогтвор суурьшилтай ажиллаж байгаа ТЗ, ТМҮ-ний албан хаагчид таван жил тутамд нэг удаа зургаан сарын цалинтай тэнцэх хэмжээний тэтгэмж авна.
Мөн тэтгэврийг 100 мянган төгрөгөөр, халамжийн тэтгэвэр, асаргааны тэтгэмжийг 10 хувиар нэмэгдүүлнэ.