Хууль зүй, дотоод хэргийн яамны Төрийн захиргааны удирдлагын газрын дарга Ц.Уртнасан болон Үндэсний их баяр наадмын Үндэсний бөхийн салбар хорооны зарим гишүүд Дэлхийн допингийн эсрэг байгууллагын /WADA/ Нийцэл, дүрэм, стандартын нэгжийн захирал ноён Эмилиано Симонелли болон Ази, номхон далайн бүсийн ерөнхий менежер Саравана Пэрумал тэргүүтэй төлөөлөгчдийг өнөөдөр (2026.06.17) хүлээн авч уулзжээ.
Уулзалтаар Биеийн тамир, спортын тухай хууль, Үндэсний их баяр наадмын тухай хууль болон допингийн эсрэг холбогдох эрх зүйн зохицуулалтуудыг Дэлхийн допингийн эсрэг код, олон улсын стандартуудтай уялдуулах, мөн 2027 оны нэгдүгээр сарын 1-ний өдрөөс хэрэгжиж эхлэх Допингийн эсрэг үндэсний дүрмийн шинэчлэлтэй холбоотой бэлтгэл ажлыг хангах, үндэсний допингийн эсрэг байгууллагын хараат бус, үр дүнтэй үйл ажиллагааг сайжруулах зэрэг асуудлуудын хүрээнд санал солилцсон байна.
Сэтгэгдэл (0)
Сэтгэгдэл бичигдээгүй байна