БАЙГАЛЬ ОРЧНЫ САЛБАРЫН НЭЭЛТТЭЙ ХААЛГАНЫ ӨДӨРЛӨГ ТӨВ ТАЛБАЙД 9-Н ХҮРТЭЛ ҮРГЭЛЖИЛНЭ

Байгаль орчин, уур амьсгалын өөрчлөлтийн салбарын “Нээлттэй хаалганы өдөрлөг” Сүхбаатарын талбайд өнөөдөр /2026.05.09/ нээлтээ хийлээ.

Арга хэмжээг УИХ-ын гишүүн, Засгийн газрын гишүүн, Байгаль орчин, уур амьсгалын өөрчлөлтийн сайд Ц.Сандаг-Очир нээж, салбарын үйл ажиллагааг иргэдэд ил тод, нээлттэй хүргэх, төрийн үйлчилгээг нэг дороос шуурхай үзүүлэх нь энэхүү өдөрлөгийн гол зорилго гэдгийг онцлов. 

Өдөрлөг 2026 оны тавдугаар сарын 709-ний өдрүүдэд үргэлжлэх бөгөөд Байгаль орчин, уур амьсгалын өөрчлөлтийн яам болон салбарын харьяа байгууллагууд оролцож байна.

Эхний өдөр буюу тавдугаар сарын 7-нд тогтвортой хөгжил, тусгай хамгаалалттай газар нутаг, хүрээлэн буй орчны бодлого, байгаль орчны нөлөөллийн үнэлгээний хэрэгжилт зэрэг сэдвээр танилцуулга, мэдээлэл хүргэж, баримтат кино, видео контентуудыг олон нийтэд толилуулав. 

Мөн арга хэмжээний үеэр

• Байгаль орчны салбарын хууль, тогтоомжийг сурталчлан таниулах,
• Төрийн үйлчилгээ, зөвшөөрлийн мэдээлэл өгөх,
• Иргэдийн санал хүсэлт, өргөдөл гомдлыг хүлээн авах,
• Салбарын байгууллагуудын үйл ажиллагааг танилцуулах зэрэг ажлыг зохион байгуулж байна.