Хууль зүй, дотоод хэргийн сайд С.Амарсайхан Хил хамгаалахын байгууллагын Цэрэг халах, татах төвийн үйл ажиллагаатай өчигдөр /2026.05.03/ танилцаж, цэргийн алба хаах залуустай уулзсан талаараа өөрийн цахим хаягтаа бичжээ.
С.Амарсайхан "ЭХ ОРНЫХОО ХИЛИЙН АМЬД ШУГАМ, АЛТАН БАГАНА БОЛОН ДАРХАН ХИЛЭЭ ХАМГААЛАХААР ЗОРЬЖ БУЙ ЗАЛУУСТАА АМЖИЛТ ХҮСЬЕ
Хилийн цэргийн 0164 дүгээр ангид ажиллаж, Хил хамгаалах байгууллагын "Цэрэг халах, татах төв"-ийн үйл ажиллагаатай танилцлаа.
Энэ үеэр Нийслэлийн 9 дүүрэг, Архангай, Хөвсгөл, Сэлэнгэ, Дархан-Уул аймгаас 2026 оны нэгдүгээр ээлжээр хугацаат цэргийн албанд татагдсан иргэдтэй уулзаж, алба хаах ариун үйлсэд нь амжилт хүслээ. Цэргийн албанд өөрийн хүсэлтээр тэр дундаа хилийн цэрэгт алба хаахыг зорин ирсэн залуус олон байгааг харах бахархалтай байна.
Эх орны дархан хил дээр хугацаат цэргийн албаа нэр төртэй хааж, насан туршийн дурсамжаа бүтээнэ гэдэгт итгэл дүүрэн байна.
Хууль зүй, дотоод хэргийн сайдын хувьд Хил хамгаалах Ерөнхий газартай хамтран хилийн цэргийн ангиудын орчин нөхцөл, нийгмийн баталгааг сайжруулах, албаа хааж буй цэргийн алба хаагчдын аюулгүй амар тайван байдлын төлөө үргэлж анхаарч ажиллах болно." гэсэн байна.
Сэтгэгдэл (0)
Сэтгэгдэл бичигдээгүй байна