ОРХОН, ӨВӨРХАНГАЙ, ХЭНТИЙ, ДУНДГОВЬ, ГОВЬСҮМБЭРТ НАРНЫ ЦАХИЛГААН СТАНЦ АШИГЛАЛТАД ОРНО

Засгийн газрын өчигдрийн (2026.04.29) хуралдаанаар Түлш, эрчим хүчний хараат байдлыг бууруулах тухай тогтоолыг баталсан. 

Уг тогтоолд

• Орхон аймгийн Баян-Өндөр сум,
• Өвөрхангай аймгийн Арвайхээр сум,
• Хэнтий аймгийн Хэрлэн сум,
• Дундговь аймгийн Сайнцагаан сум,
• Говьсүмбэр аймгийн Сүмбэр суманд батарей хуримтлуурын станцыг хувийн хөрөнгө оруулалтаар хэрэгжүүлэх сонгон шалгаруулалт зохион байгуулж, 2026-2027 оны өвлийн их ачааллаас өмнө буюу арван хоёрдугаар сараас өмнө ашиглалтад оруулахыг Эрчим хүчний сайд Б.Найдалаад даалгалаа.

Ингэснээр сэргээгдэх эрчим хүчний хэрэглээ нэмэгдэж, эрчим хүчний импортын хамаарал буурч, ногоон санхүүжилтийн хүртээмж сайжрах, улмаар Монгол Улсын урт хугацааны ногоон хөгжлийн зорилтын хэрэгжилтэд бодит ахиц гарна гэж үзэж байна.

Эдгээр арга хэмжээнүүдийг төр, хувийн хэвшлийн түншлэл, дотоод болон олон улсын ногоон санхүүжилтийн эх үүсвэр, хөрөнгө оруулалтаар хэрэгжүүлнэ.