Байгаль орчин, уур амьсгалын өөрчлөлтийн яамны Төрийн нарийн бичгийн дарга Ш.Батбаяр COP17 бага хурлын бэлтгэл ажлын явцтай асуудлаарх хурлыг даргалан 2026 оны дөрөвдүгээр сарын 24-ний өдөр хийжээ.
Тус хуралд Казахстан улсад болж буй Бүс нутгийн Экологийн өндөр түвшний уулзалтад оролцож байгаа Дэд сайд Б.Мөнхтамир цахимаар оролцож, бэлтгэл ажлын явц, хэрэгжилтэд анхаарах шаардлагатайг сануулсан байна.
Хурлаар COP17-ыг зохион байгуулах Ажлын албаны 7 хоногийн ажлын тайлан, зохион байгуулалтын ажлын явц, дэд хороодын үйл ажиллагаа, үүрэг даалгаврын хэрэгжилтийг хэлэлцэж, аюулгүй байдлын дэд хороо, ногоон бүсийн зохион байгуулалт, хэвлэл мэдээлэл, олон нийттэй харилцах ажлын явцыг танилцуулжээ.
Мөн бэлтгэл ажлын төлөвлөгөөг бодит ажил хэрэг болгон хэрэгжүүлэх, дэд хороодын уялдаа холбоог сайжруулах, хариуцлага, гүйцэтгэлийг нэмэгдүүлэхэд онцгойлон анхаарахыг Төрийн нарийн бичгийн дарга Ш.Батбаяр онцолсон байна.
Түүнчлэн олон улсын арга хэмжээний бэлтгэлийг хугацаанд нь, өндөр түвшинд хангахын тулд өгсөн үүрэг, даалгаврын хэрэгжилтийг эрчимжүүлж, хяналтыг тогтмолжуулах шаардлагатай байгааг сануулжээ.
Сэтгэгдэл (0)
Сэтгэгдэл бичигдээгүй байна