Эрүүл мэндийн даатгалын ерөнхий газрын нэгжийн удирдлагууд цаг үеийн асуудлуудаар хуралдаж, даатгалын бодлого, үйл ажиллагааны хэрэгжилтийн талаар ярилцлаа. Хурлаар шинэчлэн батлагдсан болон батлагдах шатандаа байгаа тогтоол, шийдвэрүүдийн хэрэгжилт, цахим хөгжүүлэлтийн хүрээнд хэрэгжиж буй ажлууд, цаашид авч хэрэгжүүлэх арга хэмжээний талаар хэлэлцсэн юм.
Мөн энэ үеэр эрүүл мэндийн даатгалын салбарт олон жилийн ажлын туршлагатай, Анагаахын шинжлэх ухааны доктор (PhD), ДЭМБ-ын Эрүүл мэндийн системийн ахлах зөвлөхөөр Манила, Женев хотуудад ажиллаж байсан Д.Баярсайхантай уулзаж мэргэжлийн санал, зөвлөмж авах хамтын ажиллагааны чиглэлүүдийг тодорхойллоо. Д.Баярсайхан нь 1993 оноос Монгол Улсын эрүүл мэндийн даатгалын хуулийг боловсруулж батлуулах, хэрэгжүүлэх, удирдах үйл ажиллагаанд оролцож суурийг тавьсан туршлагатай эксперт бөгөөд 1999 оноос олон улсын байгууллагад ажиллаж байгаад 2025 онд эх орондоо ирсэн юм.
Зөвлөх Д.Баярсайхан ЭМДЕГ-тай гурван үндсэн чиглэлээр хамтран ажиллах юм. Тухайлбал, эрүүл мэндийн даатгалын тухай хуулийг боловсронгуй болгох ажлын хэсэгт оролцон мэргэжлийн зөвлөгөө өгөх, олон нийттэй харилцах үйл ажиллагааг шинэ шатанд гаргаж үр нөлөөг нэмэгдүүлэх, байгууллагын албан хаагчдын мэдлэг, ур чадварыг дээшлүүлэн чадавхжуулахад дэмжлэг үзүүлэх болно.
Сэтгэгдэл (0)
Сэтгэгдэл бичигдээгүй байна