УИХ-ын гишүүн Л.Оюун-Эрдэнэ "Лхагвын тойм" нэвтрүүлэгт ярилцлага өгөхдөө олон хүний талаар ярьсны дотор Хууль зүй, дотоод хэргийн сайд Б.Энхбаяр Бодь интернэйшнлээс 500 мянган доллар авсан гэх хэргийг АТГ-т шалгуулна гэж мэдэгдсэн.
Харин Б.Энхбаяр "Л.Оюун-Эрдэнийн ярианд ямар ч логик байхгүй, гүтгэлэг гэж цахим хуудсаараа дамжуулан мэдэгдэв. Мөн
"Пээ. 500 мянган ам доллар Б.Энхбаяр Бодиос авсан гэж “сонсож” байсан. Хамт байсан хүн нь надад хэлсэн гэх. Хэн гэж хүн өөрт нь тэгж ярьсанаа хэлдэггүй ээ. Хэлээч. Юуг нь нуусан юм. Бодит хүн л юм бол зарла. Бодийн офтейк гэрээнүүдийг УИХ-ын сонсголд яриагүй гэх.
Бодьтой хийсэн 6 офтейк гэрээний 4-г нь Л.Оюун-Эрдэнийн ЗГ өөрөө хийсэн байдаг. Захирал нь Амундра байсан. Бодийн офтейк гэрээнүүд 1 өдрийн турш сонсголд яригдсан. Голомтын Баясгаланг Хөгжлийн банк, Нүүрсний сонсголд нотлох баримтаар бүрэн нотолж хуулийн байгууллагад шилжүүлсэн надаас өөр хүн Монголын улс төрд байгаагүй, байхгүй. Л.Оюун-Эрдэний ярианд ямар ч логик байхгүй, гүтгэлэг. Шууд нэвтрүүлэгт халз орьё Л.Оюун-Эрдэнээ. Энэ хүн ер нь юу ярьж байгаагаа ч мэдэхгүй байна." гэсэн байна.
Мөн "Парламентат ёс, сонгодог парламентын тогтолцоо гэж яг юу юм бэ. Олонхи болсон нь Засгийн газраа бүрдүүлж, цөөнх нь хяналтаа тавьдаг төлөөллийн ардчилал юм. Үндсэн хууль ч ийм юм. Үндсэн хуулийнхаа эл зарчмыг нулимаад, парламентаа сөрөг хүчингүй болгоод, бүгдээрээ хамтдаа эрх барья гэсэн нь бүгдээрээ хамтдаа дарангуйлья л гэсэн үг байсан. Энэ нь өөрөө ардчилсан Үндсэн хуульт ёсны эсрэг, парламентат ёсоо үгүйсгэсэн, “парламентын дарангуйлал”-ыг бий болгосон. Үндсэн хууль амьтай, сүнстэй учраас өөрт нь халдсан энэ дарангуйлагчийг шилгээсэн. Шаал худлаа юм суурь мэдлэггүй ярьж суух Л.Оюун-Эрдэнэ.
...2019 оны Үндсэн хуулийн өөрчлөлт нь Х.Баттулга Ерөнхийлөгч, У.Хүрэлсүх Ерөнхий сайд, МАН-ын дарга, Г.Занданшатар УИХ-ын дарга байх үед хийгдсэн. Энэ өөрчлөлтөөр Ерөнхийлөгчийн эрхийг зөвхөн Үндсэн хуульд зааснаар хязгаарлаж, нэг л удаа сонгогдох, Ерөнхий сайд танхимаа өөрөө бүрдүүлэх, УИХ-ын нийт гишүүний олонхоор огцрох(хуралдаанд оролцсон олонх биш) өөрчлөлт хийгдэж хүчтэй, тогтвортой Ерөнхий сайдтай болох тогтолцооны өөрчлөлт хийгдсэн. Үндсэн хуулийн энэ өөрчлөлтийн анхны үр дүн, 1990 оноос хойш тогтвортой 5 жил хашсан нь Л.Оюун-Эрдэнэ Ерөнхий сайд юм. Мөн 1992 оны Үндсэн хуулиас хойш парламентаар “итгэл үзүүлэхгүй” үндэслэлээр огцорсон анхны Ерөнхий сайд. Өөрт нь итгэл үзүүүлэх эсэх асуудлыг парламентад оруулна гэдэг нь өөрөө хариуцлага үүрэх санаачилга бол биш, харин хариуцлага үүрэлгүй цааш ажиллах тухай санаачилга. Өөрийн хариуцлага гэдэг нь өөрөө өргөдлөө өгөх тухай юм. Саяхны мэт боловч Үндсэн хуульчлагдсан ийм харилцаанууд үнэнээрээ үлдэж байх учиртай." гэж бичсэн юм.
Сэтгэгдэл (0)
Сэтгэгдэл бичигдээгүй байна