Монгол Улсын хэмжээнд 2026 оны гуравдугаар сарын 5-ны өдрийн байдлаар менингококкт халдварын Улаанбаатарт 2, Дарханд 1, Ховдод 1, Увсад 1,, нийт 5 тохиолдол батлагдаж, сэжигтэй 1 тохиолдол бүртгэгдэж, 1 хүүхэд нас барсан байна. Насны хувьд 6 сартайгаас 10 насны хүүхдийн дунд бүртгэгдсэн бөгөөд 66,7 хувь нь 5 хүртэлх насны хүүхдүүд байна гэж ХӨСҮТ-ээс мэдээллээ.
Хаврын улиралд менингококкт халдварын эрсдэлтэй улирал бөгөөд цаашид ч тохиолдлын тоо нэмэгдэх хандлагатай байна. Сүүлийн 6 жилийн өвчлөлийн хөдлөл зүйгээс харахад нийт өвчлөлийн 56 хүртэлх хувь нь Улаанбаатар хотод бүртгэгдэж, Увс, Дорнод, Завхан, Дархан-Уул, Баян-Өлгий, Орхон, Хөвсгөл, Өвөрхангай, Сэлэнгэ, Төв аймгуудад өвчлөлийн түвшин бусад аймаг, орон нутагтай харьцуулахад өндөр байна. Дүүргийн хувьд Налайх, Чингэлтэй, Баянзүрх, Сонгинохайрхан дүүрэгт өндөр байна. Өвчлөл 12 дугаар сараас 6 дугаар саруудад өндөр, нийт өвчлөлийн 80-90 орчим хувь нь эхний 6 сард бүртгэгдсэн байгаа юм.
Хэрвээ та хүсвэл ХӨСҮТ-ийн дархлаажуулалтын кабинетээр сайн дураар вакцинд хамрагдах боломжтой.
Сэтгэгдэл (0)
Сэтгэгдэл бичигдээгүй байна