ЭРЧҮҮДИЙН 57.4, ЭМЭГТЭЙЧҮҮДИЙН 53 ХУВЬ, СУРАГЧДЫН 23.7 ХУВЬ НЬ ИЛҮҮДЭЛ ЖИНТЭЙ БАЙНА

Дэлхийн таргалалтын эсрэг өдөр өчигдөр буюу гуравдугаар сарын 4-нд тохиожээ. 

Таргалалт нь зөвхөн хувь хүний асуудал биш — нийгмийн эрүүл мэндийн өсөн нэмэгдэж буй сорилт болоод байна. Энэ нь амьдралын хэв маяг, хүрээлэн буй орчин, хүнсний орчин, нийгэм, эдийн засгийн нөхцөл байдлаас хамааралтай тулгамдсан асуудал болоод байгаа юм.

Монгол Улсад:
• 15–49 насны эрэгтэйчүүдийн 57.4% нь илүүдэл жин, таргалалттай
• Нөхөн үржихүйн насны эмэгтэйчүүдийн 53.0% нь илүүдэл жин, таргалалттай
• ЕБС-ийн сурагчдын 23.7% нь илүүдэл жин, таргалалттай байна. (ХТҮС VI)

Таргалалт нь зүрх судасны өвчин,чихрийн шижин хэвшинж 2, зарим төрлийн хорт хавдар зэрэг халдварт бус өвчний гол эрсдэлт хүчин зүйл болдог.

Гэр бүл, сургууль, ажлын байр, орон нутаг, бодлого боловсруулагчид — бид хамтдаа эрүүл хүнсний орчин бүрдүүлж, идэвхтэй хөдөлгөөнийг дэмжиж чадвал таргалалтыг бууруулах боломжтой. 

Хүн амын таргалалтыг бууруулах бодит өөрчлөлтийг хамтдаа бий болгоё.

• Эрүүл хүнсний хүртээмжийг нэмэгдүүлье
• Сургууль, ажлын байранд хөдөлгөөнийг дэмжицгээе
• Хүүхэд, гэр бүлд эрүүл дадлыг хэвшүүлье
• Эрүүл сонголтыг хялбар болгох бодлогыг дэмжицгээе гэж Нийгмийн эрүүл мэндийн төвөөс уриалжээ.